Saturday, December 12, 2009

ജീവിതത്തിനെ കുറിച്ച്‌ പറഞ്ഞു തീരാതെ.....

ഇന്നലെയായിരുന്നു
മരിച്ചു പോയിരുന്നു
മൌനങ്ങളില്‍ നിന്ന്‌ ചിത്രശലഭങ്ങളൊക്കയും
പറന്നു പോയിരുന്നു
കടവുകളില്‍ ആരുമില്ലായിരുന്നു
അവന്‍ അവളായി ഉരുകി പോയിരുന്നു
ഭൂമിയുടെ മുറിവുകളില്‍ നിന്ന്‌
തിരിച്ചെത്തിയിരുന്നു ചില ഓര്‍മപ്പെടുത്തലുകള്‍
ദൈവം അസാധ്യതകളുടെ നിയമത്തിലെ
വളച്ചൊടിക്കലുകളത്രെ !
ഇപ്പോള്‍ കാട്ടുപ്പൊന്തകളില്‍ ചില തിടുക്കപ്പെടലുകള്‍ മാത്രം
വരികളെ ആവാത്ത കുറുകലുകള്‍ മാത്രം
ഭൂപടങ്ങളില്‍ നിന്നും പെട്ടന്നുയര്‍ന്നു പോകുന്ന
ചില ചിറകടികള്‍ മാത്രം
വേരുകളില്‍ അറിഞ്ഞതിനെ ധ്വനിപ്പിച്ച്‌ ധ്വനിപ്പിച്ച
ചില പൂവിടലുകള്‍ മാത്രം
അല്ലാതെന്ത്‌? ആല്ലാതെന്ത്‌?